Hoërskool
Hans Strijdom
SPORT
HANS STRIJDOM lewer jaarliks verskeie top sportmanne en -vroue. Ons bied ‘n wye verskeidenheid sportsoorte aan… daar is een reg vir jou! Ons goed opgeleide afrigters staan reg om jou by te staan om uit te blink in die sport van jou keuse!
Atletiek
Hoërskool Hans Strijdom lewer jaarliks atlete op wat aan die Provinsiale Kampioenskappe deelneem. Die Hansies neem deel aan prominente kompetisies soos die Bosveld Interhoër, TUKS Top 10 en die PUK-reeks. In 2022 het ons die 2de plek behaal by die Bosveld Interhoër en in 2023 die 3de plek. Ons bied ook die Top 10 Elardus Erasmus aan, waar meer as 50 skole jaarliks deelneem. Verder word ons jaarlikse atletiekkursus aangebied deur top Springbokafrigters en -atlete.
Rugby
Hoërskool Hans Strijdom bied elke rugbyspeler die geleentheid om te ontwikkel met A- en B-spanne vir juniors en 1ste tot 3de spanne vir seniors. Ons neem deel aan die Mauritz Hansen Rugbyweek en die Virseker Beker, en het in die afgelope vyf jaar meer as 20 provinsiale spelers opgelewer. In 2024 was ons o/15 A-span Limpopo wenners met vier spanne wat na Noordvaal deurgedring het, en in 2023 het die o/16 A-span die Noordvaal finaal gehaal met drie spanne wat Noordvaal toe gegaan het.
Netbal
By Hans Strijdom brand die blou vlammetjie in ons netbalharte. Netbal bied die dogters ‘n vroulike atletiese sport om as dames te groei en ‘n gesonde liggaam en gees te huisves. Ons begin vroeg elke jaar met proewe om spanne te kies en speel dan eerste naweek na die Interhoër atletiek byeenkoms die eerste wedstryde. Ons skop die tweede kwartaal met die liga af. In die derde kwartaal geniet ons die laaste bietjie netbal vir die jaar deur deel te neem aan die ‘fast-5’ netbaldag.
Hokkie
By Hoërskool Hans Strijdom is ons afrigters en onderwysers deurgaans passievol betrokke by hokkie, ’n sport wat leerders emosioneel en fisies uitdaag. Dit leer belangrike lesse van balans, spanwerk en deursettingsvermoë, terwyl dit ook as ‘n uitlaatklep dien in emosioneel uitdagende tye. Ons spanne neem elke jaar deel aan provinsiale uitspele, waar hulle hul talente ten volle kan wys.
Tennis
Tennis is ‘n gewilde sport by Hoërskool Hans Strijdom, waar leerders nie net hul fisiese vermoëns bevorder nie, maar ook belangrike vaardighede soos fokus, strategie en selfdissipline aanleer. Ons het A- en C-spanne wat jaarliks deelneem aan provinsiale kompetisies, wat leerders die kans bied om hul talente op hoë vlakke te bewys en die skool met trots te verteenwoordig.
.
Landloop
Hoërskool Hans Strijdom se landloopspan het oor die afgelope drie jaar hul plek in die top drie van die Bosveld Interhoër gevestig as wenners, wat getuig van hul toewyding en uithouvermoë. Jaarliks verteenwoordig ons leerders die skool met trots by die Limpopo Landloop en neem ook deel aan die Suid-Afrikaanse Kampioenskappe, waar hulle met uitstekende prestasies kompeteer.
Skaak
Skaak by Hoërskool Hans Strijdom is meer as net ‘n spel; dit is ‘n sport waar strategie en denkvermoë ontwikkel word. Ons skool se skaakspan het in 2024 hul plek as nommer 1 in die Bosveld Interhoër verower, wat hul toewyding en uitstekende vaardighede weerspieël. By Hoërskool Hans Strijdom moedig ons elke leerling aan om hul potensiaal te bereik en trots te wees op hul prestasies, of dit nou op die skaakbord of in die klaskamer is.
Krieket
By Hoërskool Hans Strijdom streef ons daarna om elke krieketspeler se volle potensiaal te ontwikkel en belangrike lewenslesse deur die sport aan te leer. Die ontwikkeling van leerders op die veld is ons prioriteit, en ons bied professionele afrigting aan spelers van alle vlakke. In 2024 was ons trots om deel te neem aan die Limpopo finale, wat ons toegewyde benadering tot krieket bevestig. Alle spelers word met respek behandel en ontvang die beste moontlike afrigting.
Gholf
Hoërskool Hans Strijdom se gholfspan het in 2024 indrukwekkende suksesse behaal deur die Bosveld Interhoër en Limpopo A Divisie te wen. Ons leerders toon jaarliks uitstaande talent, met verskeie van hulle wat gekies word vir die Limpopo Gholfspan. Hoërskool Hans Strijdom se gholfprogram is trots op sy passievolle afrigters en die jaarlikse Gholftoer, waar ons leerders op verskeie top bane speel.
Swem
Hoërskool Hans Strijdom is trots op ons swemprogram, wat elke jaar deelneem aan die Bosveld Interhoer-kompetisie. Ons is bevoorreg om ons eie swembad te hê, wat leerders die kans bied om hul swemvaardighede te verbeter en meeding op ‘n hoë vlak.
Fietsry
Dit is die 1ste jaar dat die skool fietsry as ‘n skoolsport aanbied. Daar is 4 kompetisies ‘n jaar. Dit sal plaasvind by Louis Trichardt, Ellisras, Frikkie Meyer en Merensky. Daar het alreeds 23 leerders laat weet hulle stel belang.
Perdry
Hoërskool Hans Strijdom se perdryspan is een van die sterkstes in die streek, met indrukwekkende prestasies in plaaslike en nasionale kompetisies. Onder ervare afrigting, ontwikkel ons ruiters hul vaardighede en leer waardevolle lewenslesse soos dissipline en spanwerk.
Hengel
Hengel by Hoërskool Hans Strijdom
Hengel is ‘n nuwe en opwindende sport by Hoërskool Hans Strijdom, wat leerders die geleentheid bied om hul geduld, fokus en liefde vir die natuur te ontwikkel. Hierdie sport bevorder nie net fisieke vaardighede nie, maar leer ook waardevolle lewenslesse soos volharding en ontspanning. Ons is opgewonde om hengel as deel van ons sportprogram aan te bied, en sien uit daarna om leerders op hierdie nuwe avontuur te begelei.
Sluit aan by die Hansie-span en ervaar die opwinding van sport wat presteer, saam werk en oorwin!
Volg die Hansies hier