Hans Strijdom

HANS STRIJDOM lewer jaarliks atlete op wat aan die Provinsiale-kampioenskappe deelneem. Die HANSIES neem deel aan die Bosveld Interhoër, TUKS Top 10 en die PUK-reeks. Ons bied ook die top 10 Elardus Erasmus aan, waar daar oor die 50 skole jaarliks deelneem. Ons jaarlikse Atletiekkurses word aangebied deur top Springbokafrigters en -atlete.

Die Hansies glo daarin om elke speler die kans te bied om te ontwikkel – dus beskik die Hansies oor A – en B-spanne in elke ouderdomsgroep by die junior spanne en vanaf ‘n 1ste span tot ‘n 3de span by die senior spanne. Ons maak seker dat ons seuns teen die beste skole kragte meet deur die Mauritz Hansen Rugbyweek aan te bied gedurende die April vakansie en ons seuns voor te berei vir die seisoen wat voorlê. Die toernooie waaraan ons deelneem, is Mauritz Hansen Rugbyweek en die Virseker Beker Afdeling 2. Op provinsiale vlak spog ons met meer as 20 provinsiale spelers in die laaste vyf jaar.

As onderwysers en afrigters by Hoërskool Hans Stijdom het ons afrigters heelwat ure langs en selfs op ʼn hokkiebaan deurgebring. Hokkie is ʼn emosionele en fisiese sport en dit kan groot passie uitlok. Soms verskaf dit groot vreugde aan deelnemers en selfs ondersteuners, hoewel daar ook tye is waar dit soms kinders se humeure toets. Belangrike lewenslesse word juis geleer uit hokkie wanneer ʼn balans hiertussen gevind moet word, en dit dien ook as uitlaatklep in tye wanneer die emosies oorkook.

Tennis is ‘n sport wat mens se karakter vorm omdat dit ‘n individuele sport is wat baie
dissipline en toewyding verg. Om op topvlak te presteer, waar jy jou kishoue en wenners
teen die lyn af op die spreekwoordelike tiekkie wil laat land, moet jy baie ure se harde
oefening insit.
In Hansiesland het ons twee volledige tennisbane waarop ons oefen om die beste te wees.
Dit is hier waar die volgende Federers, Nadal’s en Williamse gevorm word.
Kom raak gerus deel van hierdie groeiende sportsoort!

Skaak is deel van die sportsoorte wat aan interhoër deelneem. Skaak is baie opwindend en ’n uitdaging vir elkeen wat daarvan hou om hul breinkrag te ontwikkel.  Kinders geniet dit om skaak te speel en word slimmer terwyl hulle die spel speel en hulle sien dit nie as werk nie, maar eerder as ‘n speletjie.

Is jy op soek na ‘n professionele krieketervaring met blywende resultate? By Die Hoërskool Hans Strijdom se krieket is dit ons doel om elke leerder belangrike lewenslesse te leer wat krieket bied om sy/haar volle potensiaal in die sport te bereik. Die ontwikkeling van leerders op die krieket veld is vir ons ‘n prioriteit. Ons neem spelers van alle vlakke onder hande, waar hulle met respek behandel word en die beste moontlike afrigting kry. 

Hans Strjidom beskik oor ‘n pragtige 25m swembad, geleë in die middel van die skool.

Hoogtepunte op ons swemkalender is: 

– Interhoer swemgala.
   8 September 2021

Leerders kan ook Ereklere vir swem verwerf by Hoërskool Hans Strjidom.  Die kriteria vir Kleure kan by organiseerder verkry word.

Dit is die 1ste jaar dat die skool fietsry as ‘n skoolsport aanbied. Daar is 4 kompetisies ‘n jaar. Dit sal plaasvind by Louis Trichardt,  Ellisras,  Frikkie Meyer en Merensky. Daar het alreeds 23 leerders laat weet hulle stel belang.