KOSHUIS

KOSHUIS

Ons missie as koshuis familie!

‘n Tuiste weg van die huis af

Seuns Koshuis: Sekelbos Koshuis

Visie
Om elke seun die geleentheid te gee om sy optimale potensiaal te bereik deur ’n veilige,
gedissiplineerde tog opbouende omgewing te skep waar hy sy vermoëns en talente ten
volle kan ontwikkel. Verder ook om elke seun op te voed om eendag ’n Christen gedrewe,
trotse en verantwoordelike man te wees in enige situasie waar die lewe hom plaas, of dit
die sakewêreld, die sportveld of sy eie gesin is.

Fasiliteite
Sekelbos seunskoshuis se hoofgebou bestaan uit vier gange met ’n totaal van 36 tweebed
kamers, 12 vier bed kamers en 3 leier kamers. Die gange is elkeen toegerus met ’n volledige
badkamer. Die matrieks het hul eie badkamer. Elke leerder het sy eie kas in die kamer wat
toegesluit kan word met ’n slot.
Verder het die koshuis ’n studiesaal, waar die harde werk gedoen word, asook ’n
ontspanningsaal om ontslae te raak van die akademiese druk.

Koshuislied
Daar’s ’n plek wat staan in die Noord Transvaal,
dit is Sekelbos koshuis.
Hier leef en speel ons almal tesaam
en werk tot die eer van sy naam.
Dis ’n naam van faam wat ons moet bewaar,
deur dik en dun bly staan.
Dit is die bakste manne bymekaar
en die meisies stem ook saam.

Koshuislewe
In Sekelbos maak jy lewens vriende, want hier word jy deel van die hartklop van Hans
Strijdom. Jy is omring deur vriende en onderwysers wat jou sal ondersteun om die beste
weergawe van jouself te vind.

LEATITIA MEISIESKOSHUIS

‘n Liefde wat twee verdiedings staan. ‘n Koshuis met 41 dubbelbedkamers en 11 bedkamers. ‘n Koshuis wat streef en leef na liefde, lojaliteit, passie, dissipline en geloof. Ons probeer om die trasdisie van ‘n braai saam met seunskoshuis, ‘n Wimpy milkshake , slaap onder die sterre en elke aand en oggend Bybelstudie te handhaaf. Jnr meisies deel en snr meisies bly alleen as getalle dit toelaat.

Die koshuis is ook bekend vir sy huislikheid en natuurlik die lekker kos. Al is die koshuis geprivatiseer waar Fedics aan die stuur staan, is ons strewe nogsteeds om die koshuis die kinders se ander huis te maak. Woensdae is dit dorpsverlof en dan kry die dogters geleentheid om dorptoe te gaan en die nodige te koop. Om in die koshuis te bly gee die kinders geleentheid om al die skoolakteiwiteite by te woon, nl. sokkies, groot geraas , fliek, sport en kultuur. Die meisies van Leatitiakoshuis is kosbaar vir die Diensdoenende personeel en die skool. Dit is ‘n liefde wat 2 verdeipings staan.